Արմեն Վանցյանի առաջին անհատական ցուցահանդեսը Գորիսում

Անահիտ Գրիգորյան
Հունիսի 28-ին Գորիսի քաղաքային պատկերասրահում բացվեց գեղանկարիչ Արմեն Վանցյանի առաջին անհատական ցուցահադեսը, որին ներկա էին Գորիսի քաղաքապետ Նելսոն Ոսկանյանը, մշակութասեր հանրության ներկայացուցիչներ:

Գորիսի քաղաքապետ Նելսոն Ոսկանյանը, ողջունելով ցուցահանդեսի մասնակիցներին և խոսելով իր ստացած հաճելի տպավորությունների մասին, Արմեն Վանցյանին քաղաքապետարանի կողմից շնորհակալագիր և "100 խմբագրություն" գիրքը նվիրեց:
Ցուցահանդեսի մասին իրենց տպավորություններով կիսվեցին Գորիսի քաղաքային պատկերասրահի տնօրեն Ժիրայր Մարտիրոսյանը, Գորիսի պետական համալսարանի ռեկտոր Յուրա Սաֆարյանը, ՀՀ Գրողների միության Սյունիքի մասնաճյուղի նախագահ Արկադի Ծատուրյանը: Մի տպավորություն բոլորն էին ստացել` գեղանկարիչը աշխարհին նայում է հստակ հայացքով ու այն պատկերում` բարի վրձնահարվածներով, կենսունակ գույներով, սիրով...

"Խոսքի ազատության և խաղաղ հավաքների ազատության իրավիճակը Սյունիքի մարզում"

Շուշան Օհանյան
Այսօր Գորիսի մամուլի ակումբում տեղի ունեցավ ԻՏԵԿ ՀԿ-ի կողմից հրատարակված "Խոսքի ազատության և խաղաղ հավաքների ազատության իրավիճակը Սյունիքի մարզում" զեկույց-գրքույկի շնորհանդեսը:

Զեկույցը հրատարակվել է «Մոնիտորինգը և հանրային իրազեկումը որպես իրավունքների պաշտպանման երաշխիք» ծրագրի շրջանակներում:
Մոնիտորինգն իրականացվել է իրավապաշտպան ոլորտում սկսնակ կամավորական երիտասարդների մասնակցությամբ և կրում է նաև ուսուցողական բնույթ:

Ցվետանա Պասկալևա. “ Եղեք Ցվետանայի մոտ, ու մահը ձեզ չի մոտենա”

Մարիամ Մաթևոսյան
Երեկ բուլղարացի հայտնի լրագրող, ռեժիսոր, Կինովավերագրողների միջազգային ասոցիացիայի անդամ Ցվետանա Պասկալևան իր որդու՝ 9-ամյա Դավիթի հետ, Գորիս քաղաքին նվիրեց իր ամբողջ օրը:

Մեկնարկը քաղաքապետարանից էր, որից հետո այցելեցին Արցախյան ազատամարտում զոհված հերոսների հիշատակին նվիրված հուշահամալիր, Ակսել Բակունցի տուն-թանգարան: Ցվետանան երկա եղավ նաև պատանիների ֆուտբոլի առաջնության բացման արարողությանը:

Վերջնակետը Գորիսի Վ. Վաղարշյանի անվան պետ. դրամատիկական թատրոնի դահլիճում էր, որտեղ ռեժիսորը հանդիսատեսին ներկայացրեց Արցախի ազատագրության համար մղված հերոսամարտերի մասին պատմող իր երեք վավերագրական ֆիլմեր:
Հանդիպմանը ներկա էին Սյունիքի մարզպետ Սուրեն Խաչատրյանը, Գորիսի քաղաքապետ Նելսոն Ոսկանյանը և այլ պաշտոնատար անձիք:

“Եթե էստեղ չձանձրանամ, Ռուսաստան չեմ գնա”

Մարիամ Մաթևոսյան
Սովորաբար, ամառ ասելով հասկանում ենք` հանգի~ստ, ժամա~նց, ընկերական հավաքույթնե~ր…Բայց դա գորիսյան ամռանը համարյա չի վերեբերում:

Տարվա այս եղանակը սիրելի է բոլորի համար, բայց առավել մեծ ոգևորությամբ են սպասում երեխաները. վերջապես դասերը կավարտեն, մի լավ կհանգստանան, սրտերն էլ ուզածին չափ կխաղան: Ամռանն ամեն ոք իր նախընտրած ձևով է հանգստանում. մեկն արտերկիր է գնում՝ բարեկամին այցելության, մյուսը քաղաքից դուրս է հանգստանում: Իսկ շատ-շատերը մնում են քաղաքում. չէ՞ որ ոչ բոլոր ընտանիքներն են կարողանում իրենց երեխաներին հանգստյան տներ ուղարկել, երկրից դուրս տանել կամ էլ ծով` լողալու ուղարկել:

Իսկ ամառային ճամբարներն այնքան շատ չեն, որ շատ երեխաներն ընդգրկվեն: Ստիպված երեխաները բարարվում են իրենց բակով, լավագույն դեպքում՝ մեկ շաբաթով այցելում են հորաքրոջը կամ մորեղբորը: Մնացած 13 շաբաթն անց են կացնում են իրենց բակում: Դե’, մեր բակերն էլ մայրաքաղաքի պես խաղահրպարակներ չունեն:

Վահանն այսօր ստացավ իր անձնագիրը

Հավանաբար բոլորդ էլ հիշում եք Վահանի պատմությունը, տեղյակ եք, որ Գորիսի մամուլի ակումբը արեց հնարավոր ամեն բան, որ նա անձնագիր ունենա, իրեն ՀՀ լիարժեք քաղաքացի զգա:

Մենք հասանք ցանկալի արդյունքի. Վահանն այսօր ստացավ իր անձնագիրը:

Մեր խորհին շնորհակալությունն ենք հայտնում  Գորիսի անձնագրային բաժնի պետ Քնար Պողոսյանին:

Միջոցառում Գորիսի թիվ 2 մանկապարտեզում

Հունիսի 18-ին երեխայի իրավունքների միջազգային օրվան նվիրված տոնական միջոցառում էր կազմակերպվել Գորիսի թիվ 2 մանկապարտեզում: Ներկա էին Գորիսի քաղաքապետարանի, ,,Սեյվ դը չիլդրեն,, կազմակերպության հայաստանյան ներկայացուցչության, ՀԿ-ների, այլ հաստատությունների ներկայացուցիչներ, հյուրեր, ծնողներ: Միջոցառման բացման խոսքում հաստատության վարիչ Ժասմեն Խաչատրյանը մասնավորապես նշեց. ,,Այս միջոցառումը նվիրում ենք երեխաների իրավունքների պաշտպանության միջազգային օրվան: Չնայած, որ ավանդաբար նշում ենք հունիսի 1-ին, սակայն միայն այդ օրը բավարար չէ հասարակության ուշադրություն հրավիրելու յուրաքանչյուր երեխայի իրավունքների ու նրա շահերի պաշտպանության վրա:

Մի կիլոգրամ մուրաբան “ոսկու գին” է դառնում

Քրիստինե Հայրապետյան

Դոլարի փոխարժեքի բարձրացումն ազդում է պարենային մի շարք ապրանքների գների վրա, որն էլ, իր հերթին, խիստ ազդում է մարդկանց` առանց այն էլ դատարկ գրպանների վրա: Պարենային ապրանքների գների աճից առավելապես տուժում է սոցիալապես անապահով խավը:

Սովորաբար մարդիկ ավելի շատ փող ծախսում են առաջին անհրաժեշտության ապրանքների վրա. դրանք են` հացամթերքը, բուսական յուղը, շաքարավազը, կաթնամթերքը, սուրճը, թեյը, ինչպես նաև` ծխախոտը:

Վերջերս շաքարավազի պարկի գինը բարձրացել է 400-500 դրամով, իսկ մեկ կիլոգրամը թանկացել է 10 դրամով, սակայն տարբեր խանութներում գները տարբեր են` 450-ից մինչև 500 դրամ: Խանութներից մեկում, երբ հարցրի, թե քանի դրամով է բարձրացել շաքարավազի պարկի գինը, խանութի սեփականատերը պատասխանեց` 500 դրամով և ավելացրեց նաև, որ իրենք մանրածախի գինը չեն բարձրացրել, գինն անփոփոխ է մնացել` կիլոգրամը վաճառում են 480 դրամով` ինչպես առաջ էր:

"Քաղաքացիական հասարակության օրակարգ" թեմայով մարզային համաժողով

 Հունիսի 15-ին, ժամը 12:30-ին Գորիսում` "Սյունիք" հյուրանոցային համալիրում, տեղի ունեցավ "Քաղաքացիական հասարակության օրակարգ" թեմայով մարզային համաժողով: Համաժողովը նպատակ ուներ հնարավորություն ընձեռնել մարզերում գործող և տարբեր ոլորտներում գործունեություն ծաավալող ՀԿ-ներին, քաղաքացիական հասարակաության այլ կառույցներին վերհանել խնդիրներ, որոնք հնարավոր է լուծել օրենսդրական բարեփոխումների ճանապարհով: Համաժողողվին մասնակցեցին Սյունիքի և Վայոց Ձորի մարզերի ՀԿ-ների, ՏԻՄ-երի, ԶԼՄ-ների և ՀԱԽ-երի ներկայացուցիչներ:

«Ինձ առողջություն պետք չի, ինձ աշխատանք է պետք ընտանիքս պահելու համար»

Մարիամ Մաթևոսյան
Միայն Չինական «Ֆորչյուն Օյլ» ընկերության կողմից Սվարանցի հանքը ձեռք բերելուց հետո միայն ասես...Հայաստանն իմացավ, որ Սյունիքի մարզում է գտնվում Սվարանց գյուղը, ավելին՝ գյուղի տարածքում, նախնական տվյալներով, երկաթի պաշարներ են հաստատվել: Որից հետո լուրը տարածվեց աշխարհով մեկ: Ու, պետությունների մակարդակով, իրենք իրենց մեջ որոշեցին, որ...սարն ումն է...Իսկ թե հանքը շահագործելուց հետո, ով ինչ ռիսկային գոտում կհայտնվի, ինչ հետևանքներ կարձանագրվեն, նրանցից ոչ մեկին չհետաքրքեց:
«Հանրային իրազեկվածության ու մասնակցության բարձրացում Սյունիքի մարզում լրագրողների կարողությունների զարգացման միջոցով» ծրագրի շրջանակներում, մենք, փոքրիկ լրագրողական թիմ կազմելով, որոշեցինք պարբերաբար հանրությանը տեղակատվություն հաղորդել Սվարանցի եկաթի հանքի հնարավոր շահագործման ընթացքի, զարգացումների մասին, տեղեկացնել գործընթացի մարամասներ` շահագործման լիցենզիա տրամադրելու թույլտվությունից մինչև ճանապարհաշինության լիցենզիա ստանալը:

USAID-«Մաքուր ջուր և էներգիա”. Հանդիպում Գորիսի Օրհուս կենտրոնում

Այսօր Գորիսի Օրհուս տեղեկատվական կենտրոնում հրավիրված հանրային խորհրդակցությունը նվիրված էր Որոտանի գետավազանային կառավարման պլանավորման գործընթացի` շրջակա միջավայրի վրա հնարավոր ազդեցությունների մեղմացման և մոնիտորինգի առաջարկվող պլանին: Հանդիպմանը մասնակցում էին իրականացնող մարմնի` Հարավային ջրավազանային տարածքային կառավարման բաժնի, ջրամատակարար կառույցների, գյուղատնտեսության ոլորտի պատասխանատուներ, ջրօգտագործողներ, քաղաքացիական հասարակության ու ԶԼՄ-ների ներկայացուցիչներ:

ԱՄՆ ՄԶԳ բնապահպանության գծով ծրագրերի ղեկավար Մարինա Վարդանյանի բացման խոսքից հետո, ազդեցությունների հատկորոշման և գնահատման արդյունքների մասին ներկայացման խոսք ասաց ավազանային պլանավորման մասնագետ Լիլիթ Հարությունյանը:

Հանրային քննարկումներ Տաթև և Սվարանց գյուղերում

Հունիսի 13-ին ու 14-ին Սվարանց և Տաթև գյուղերոմ տեղի ունեցան հանրային քննարկումներ: Թեման, հիմնականում, Սվարանցից 7 կմ հեռավորության վրա գտնվող երկաթի հանքի հնարավոր շահագործումն էր, դրա ենթադրելիք ազդեցությունը մեր մարզում մեծ թափով զարգացող տուրիզմի վրա:

Քննարկումներն իրականացրել են  «Գորիսի մամուլի ակումբ» և «Սոսե կանանց հիմնահարցեր» ՀԿ-ները` «Համագործակցությունը մարդու իրավունքների պաշտպանության միջոց» ծրագրի շրջանակներում:

Քննարկման մանրամասներին կծանոթանաք առաջիկա հրապարակումներում:

Գորիսում նշվեց Ակսել Բակունցի ծննդյան օրը

Երեկ` մեծ գրող Ակսել Բակունցի ծննդյան օրը, տեղի ունեցավ միջոցառում` նվիրված գրողի հիշատակին:

Նախ գրողի երկրպագուները հավաքվեցին հուշարձանի մոտ,ապա`տուն-թանգարանում,որտեղ տեղի ունեցավ հիմնական միջոցառումը:Միջոցառմանը ներկա էին քաղաքապետը,քաղաքապետարանի աշխատակիցներ,դպրոցականներ`ուսուցիչների ուղեկցությամբ,հասարակական,մշակութային գործիչներ:

Ակսել Բակունցի անվան թիվ 1 դպրոցի սաները ներկայացրին Բակունցի կենսագրությունը, ինչպես նաև` հատվածներ նրա պատմվածքներից:

"Կոնցենտուս" լարային կվարտետի համերգ Գորիսում

Անահիտ Գրիգորյան

Հունիսի 12-ին դասական երաժշտության սիրահարները Գորիսի Գուսան Աշոտի անվան մշակույթի տան դահլիճում հյուրընկալեցին  "Կոնցենտուս" լարային կվարտետին: Համերգը, որին մասնակցում էին Լիլիթ Խաչատրյանը /1-ին ջութակ/ Աստղիկ Մատինյանը  /2-րդ ջութակ/ , Հրանտ Ասլանյանը /ալտ/, Ալեքսանդր Կարախանյանը / թավջութակ/  կազմակերպվել էր "Ադաջո" երաժշտական մշակութային հասարակական կազմակերպությունը` Վիեննի Հայ Մշակույթի տան հովանավորությամբ:

Ինչպե՞ս կանխել օրգանիզմի գերտաքացումն այս շոգին

Օդի բարձր ջերմաստիճանի, ուլտրամանուշակագույն ճառագայթման բացասական ազդեցությունը մեղմելու, օրգանիզմի անցանկալի գերտաքացումը կանխելու, ինչպես նաև վարակիչ հիվանդություններից, սննդային թունավորումներից խուսափելու համար ՀՀ առողջապահության նախարարությունը խորհուրդ է տալիս.

- խուսափել արևի ուղիղ ճառագայթներից` հատկապես ժամը 12:00-17:00 ընթացքում, աշխատել քայլել ստվերում,
- հնարավորինս պաշտպանվել ուլտրամանուշակագույն ճառագայթումից` կրել գլխարկ, արևային ակնոցներ, հովանոց, հագնել սպիտակ և/կամ բաց երանգների ազատ, օդաթափանց, բամբակյա կտորից հագուստ,

Փորձագետ. Միանշանակ չի կարելի պնդել, թե երեկ երեկոյան ինչ են տեսել մարդիկ երկնակամարում

Միանշանակ չի կարելի պնդել, թե երեկ երեկոյան ինչ են տեսել մարդիկ երկնակամարում, բայց այն շատ նման է եղել բալիստիկ հրթիռի: NEWS.am-ի թղթակից հետ զրույցում նշան տեսակետ է հայտնել ռազմական փորձագետ Արծրուն Հովհաննիսյանը:

Հունիսի 7-ի երեկոյան, ժամը 21:50-ի սահմաններում, բավական մեծ տարածքի բնակիչենր (Թուրքիայից մինչեւ Իսրայել) տարօրինակ երկնային երեւույթ են տեսել: Սկզբում կոնի նմանվող երեւույթը հայտնվել է երկնքի հյուսիս-արեւմտյան մասում: Հետո եղել է բռնկում, պտույտ, որից հետո լույս արձակող գունդը բաժանվել է երկու պտտվող կետերի, որից հետո այն անհետացել է:

Փորձագետի խոսքով, միանշանակ պնդել, որ դա ռուսական կամ իրանական հրթիռ է եղել, չի կարելի, հատկապես հաշվի առնելով, որ այդ թեմայի շուրջ պաշտոնական հայտարարություն չի եղել:

Մելքոն Հովհաննիսյան. "Բնության շունչն եմ արտանկարում"

Քրիստինե Հայրապետյան
Գորիսի քաղաքային պատկերասրահում բացվեց գեղանկարիչ Մելքոն Հովհաննիսյանի անհատական ցուցահանդեսը, որին ներկա էին տեղական իշխանության ներկայացուցիչներ, գորիսյան արվեստասեր հասարակայնության ներկայացուցիչներ:

Ներկայացման խոսքով հանդես եկավ Գորիսի քաղաքային պատկերասրահի տնօրեն Ժիրայր Մարտիրոսյանը: Նրա բնութագրմամբ` Մելքոն Հովհաննիսյանը հայ ամենաինքնատիպ գեղանկարիչներից է, որն առանձնանում է իր հետաքրքիր, ժանրային ու ոճական լուծումներով, կատարման տեխնիկայով, ասելիքի փիլիսոփայությամբ: Նա պաստելային ոճի առաջին նկարիչներից է:

Մելքոն Հովհաննիսյանը Հայաստանի Նկարիչների միության անդամ է: Մասնակցել է միջազգային, համամիութենական, հանրապետական ցուցահանդեսների, անհատական ցուցահանդեսներ է ունեցել Եվրոպայի մի շարք երկրներում:

“Եհովայի վկաները գովազդի կարիք չունեն”

Անահիտ Բաղդասարյան

Ռիման (անունն իր պահանջով փոխված է, քանի որ վերջինս գտնում է, իր ձևակերպմամբ, որ իրենք գովազդի անհրաժեշտություն ու կարիք չունեն) արդեն տասը տարի է “Եհովայի վկաներ” քրիստոնեական կրոնական կազմակերպության անդամ է: 

-Երկար տարիներ աթեիստ եմ եղել, հիմա կարծում եմ`աննպատակ ապրել եմ: Երբեմն միայն գնացել եմ եկեղեցի, մոմ վառել` չիմանալով՝ որ կրոնն է ճշմարիտ: 62 տարեկան հասակում, երբ գնացի Մոսկվա, ազատ ժամանակ ավելի շատ ունեի ու սկսեցի ամենայն լրջությամբ ուսումնասիրել Աստվածաշունչը: Վերջապես ես էլ, երկար փնտրտուքներից հետո, գտա ճշմարիտ կրոնը,համոզված եմ` գոնե ինձ համար,-պատմում է նա:

Զորակցենք ապրողներին. Ցուցահանդես-վաճառք սուր լեյկոզով տառապող 22-ամյա նկարչուհու համար

Երեւանում, հունիսի 5-13-ին, «Հայ-Արտ» մշակութային կենտրոնում կգործի ցուցահանդես-վաճառք, որից ստացված գումարները կտրամադրվել 22-ամյա նկարչուհի Նելլի Ադամյանի բուժմանը, ով տառապում է սուր լեյկոզ հիվանդությամբ եւ այժմ գտնվում է Մոսկվայում:

Բժիշկները հավաստում են, որ ոսկրածուծի փոխպատվաստման վիրահատությունը բուժման միակ տարբերակն է եւ մեծ ծախսերի հետ է կապված:

Ադամյանների ընտանիքը հնարավորություն չունի գումար տրամադրել եւ փրկել Նելիի կյանքը:

Գորիսի քաղաքապետարանի պաշտոնական պատասխանը.Գորիսում ծառահատումներ չեն իրականացվել, այլ կատարվել են ծառերի տեխնիկական հատումներ

Գորիս քաղաքի Սյունիքի փողոցում, ինչպես նաև քաղաքի մյուս փողոցներում, համաձայն Գորիսի քաղաքապետարանի, «Զանգեզուրի պղնձամոլիբդենային կոմբինատ» ՓԲԸ-ի և <Գորեր> ՍՊԸ-ի միջև կնքված եռակողմ պայմանագրի իրականացվում է գիշերային լուսավորության ցանցի հիմնանորոգում: Աշխատանքները պետք է սկսվեր մայիս ամսին և ավարտվեր ՝ հուլիսին: Աշխատանքները սկսվել են ըստ ժամանակացույցի, բայց որոշ տեխնիկական խնդիրներից և եղանակային պայմաններից որոշ ծառերի ճյուղեր մասնակի հատվել են մայիս ամսվա վերջին:

Նշենք, որ Սյունիքի փողոցը համարվում է միջպետական մայրուղի, որը մշտապես գտնվում է քաղաքապետարանի ուշադրության կենտրոնում՝ ապահովելով ճանապարհի պատշաճ տեսքը:

Հայ և թուրք լրագրողների հերթական ավտոբուսային շրջագայության մասնակիցները կանգ առան Գորիս քաղաքում

Մարիամ Մաթևոսյան

Եվրասիա համագործակցություն հիմնադրամը (ԵՀՀ), Երևանի մամուլի ակումբը (ԵՄԱ) և Ստամբուլում գտնվող Համաշխարհային քաղաքական միտումների կենտրոնը (GPoT) ս.թ. մայիսի 24-ից հունիսի 6-ը համատեղ իրականացնում են ավտոբուսային շրջագայություն Թուրքիայի և Հայաստանի տարածքում:

Շրջագայության նպատակն է հնարավորություն ընձեռել հայ և թուրք լրագրողներին բացահայտել հարևան երկիրը, ինչպես նաև վերաբացահայտել սեփական երկիրը՝ դրանով իսկ նպաստելով Հայաստանի և Թուրքիայի հասարակությունների փոխադարձ ճանաչմանը, ինչու չէ նաև հայ և թուրք լրագրողների միջև մասնագիտական կապերի հաստատմանը: Ընթացքում պատրաստվում են տեսանյութեր, հարցազրույցներ ու վերլուծականներ, որոնք հրապարակվում են հայկական և թուրքակական լրատվամիջոցներում:

Բերքատու ծառերի ջարդ՝ Գորիսում

Գորիսյան «բերքառատ» ծառերի այս ջարդը բացատրվում է իբր թե հոսանքի լարերին չվնասելու հիմնավորմամբ, մինչդեռ փողոցի բնակիչներն աղերսանքով խնդրում էին, որ գոնե սպասեին բերքը հավաքեին: 

Լուսանկարները Գորիսի մամուլի ակումբին է տրամադրել Արթուր Խոջաբաղյանը

 

                                                                                                      Hetq.am

Գորիսի մանկական զբոսայգին նոր տեսք է ստացել

Հունիսի1-ին` երեխաների պաշտպանության միջազգային օրը, լավ նվեր ստացան գորիսցի մանուկները. քաղաքի մանկական զբոսայգում տեղադրվեց 3 հատ չինական արտադրության կարուսել, որոնք միաժամանակ կարող են սպասարկել 46 երեխայի:

Անակնկալի հեղինակը "SKS էներգոգրուպ" ՍՊ ընկերությունն է, որը զբուսայգու տարածքում վարձակալելով մոտ 4000քառակուսի մետր տարածք, 45 հազար ԱՄՆ դոլարի ներդրում է կատարել հանգստի գոտու ստեղծման համար: