Գորիսի քաղաքային պատկերասրահում բացվեց գեղանկարիչ Մելքոն Հովհաննիսյանի անհատական ցուցահանդեսը, որին ներկա էին տեղական իշխանության ներկայացուցիչներ, գորիսյան արվեստասեր հասարակայնության ներկայացուցիչներ:
Ներկայացման խոսքով հանդես եկավ Գորիսի քաղաքային պատկերասրահի տնօրեն Ժիրայր Մարտիրոսյանը: Նրա բնութագրմամբ` Մելքոն Հովհաննիսյանը հայ ամենաինքնատիպ գեղանկարիչներից է, որն առանձնանում է իր հետաքրքիր, ժանրային ու ոճական լուծումներով, կատարման տեխնիկայով, ասելիքի փիլիսոփայությամբ: Նա պաստելային ոճի առաջին նկարիչներից է:
Մելքոն Հովհաննիսյանը Հայաստանի Նկարիչների միության անդամ է: Մասնակցել է միջազգային, համամիութենական, հանրապետական ցուցահանդեսների, անհատական ցուցահանդեսներ է ունեցել Եվրոպայի մի շարք երկրներում:
Քաղաքապետը համայնքային իշխանության կողմից շնորհակալագիր հանձնեց անվանի գեղանկարչին` գորիսյան արվեստասեր հասարակությանը գեղագիտական արժեք ներկայացնող ստեղծագործությունների ցուցադրության համար:
Комментариев нет:
Отправить комментарий