Գորիսում անձրևները շարունակվում են

Գորիսում և Քաջարանում ձյուն է գալիս, իսկ մայրաքաղաքում առաջիկա 5 օրերին պետք չէ ձյան սպասել. Զարուհի Պետրոսյան

Գորիսում և Քաջարանում այսօր առաջին ձյունն է տեղացել, որը կպահպանվի նաև վաղը: Ինչպես Tert.am-ին ասաց ՀՀ ԱԻՆ Հայպետհիդրոմետ օպերատիվ օդերևութաբանության կենտրոնի պետ Զարուհի Պետրոսյանը հանրապետությունում ձյուն տեղացել է Պուշկինի լեռնանցքում, Սյունիքի մարզի լեռնային շրջաններում, մասնավորապես Գորիսում և Քաջարանում:
«Պատճառը հյուսիս-արևելքից այս տարածաշրջան ներթափանցած սառը օդային զանգվածներն են»,-ասաց նա:
Զարուհի Պետրոսյանը նշեց, որ տեղումները ոչ միայն կշարունակեն այսօր, այլ նաև կպահպանվեն վաղը: «Տեղումները ոչ թե ցածր ջերմաստիճանի տակ են գալիս, այլ ուղղակի շատ թույլ են, որոնք դեռևս Սյունիքում կպահպանվեն նաև վաղը, օրվա առաջին կեսին, այսինքն՝ գիշերը»,-ասաց նա:

Ինչպիսի եղանակ է սպասվում հանրապետությունում

Առաջիկա 5 օրերի ընթացքում հանրապետության տարածքում կպահպանվի անամպ և առանց տեղումների եղանակը:

Այդ մասին այսօր մամլո ասուլիսում հայտնեց ԱԻՆ Հիդրոմետ ծառայության օդերևութաբանական կանխատեսումների բաժնի պետ Գագիկ Սուրենյանը: Նրա խոսքով` երկրի ողջ տարածքը կշարունակի կրել անտիցիկլոնային դաշտի ազդեցությունը: «Դրա հետ մեկտեղ այսօրվանից սկսած մերձավոր արևելքից երկիր են թափանցում արևադարձային տաք օդային հոսանքներ, ինչի արդյունքում այսօր և վաղը երկրի տարածքում օդի ջերմաստիճանը կշարունակի բարձրանալ 2-ից 3 աստիճանով: Ամենատաք եղանակը կդիտվի Արարատի և Սյունիքի հովիտներում, որտեղ ստվերում սպասվում է մինչև 30 աստիճան տաքություն»,- նշեց նա: