152,800 մարդ մշտապես ապրում է Սյունիքում

2010-ի ընթացքում Սյունիքում գրանցվել է 1,736 նորածին: Մարզում ծնելիության ցուցանիշը կազմել է 11,3 պրոմիլե:

Մարզպետարանի առողջապահության և սոցիալական ապահովության վարչության տվյալներով, անցած տարի մարզի ծննդօգնություն իրականացնող բուժհաստատություններում ծնվել է 1,664 երեխա:

Հղիության ընթացքում բոլոր հղիներին տրամադրվել է ծննդօգնության պետական հավաստագիր:  55 հղիների ծննդօգնության հավաստագիր է տրամադրվել Երևանի և այլ մարզերի բուժհաստատությունների կողմից:
Մարզպետարանի միջնորդությամբ ծննդօգնության պետական հավաստագիր է տրամադրվել 30 կանանց, որոնցից 26-ը ԼՂՀ Քաշաթաղի շրջանի բնակիչներ են:

Բարձր ռիսկի 50 հղիներ, հղիության ախտաբանական ընթացքը և ծննդօգնությունը 3-րդ մակարդակի բուժհաստատություններում կազմակերպելու և իրականացնելու նպատակով, ուղեգրվել են մայրաքաղաք:

272 դեպքում ծննդալուծումն իրականացվել է կեսարյան հատմամբ: Ի դեպ, ազգային վիճակագրական ծառայության Սյունիքի մարզային գործակալության տվյալներով, մշտական բնակչության թվաքանակը մարզում 152 հազար 800 մարդ է, այդ թվում քաղաքաբնակները` 103,7 հազար, իսկ գյուղաբնակները` 49.1 հազար:

2010թվականին մարզում բնակչության բնական հավելաճը կազմել է 456 մարդ:

Գրանցվել է 632 ամուսնություն, 82 ամուսնալուծություն:

                                                                                                                 1in.am