Կոճակները, որոնք կոչվում են նաև սոցիալական վիջեթներ, տեղադրված են գրեթե բոլոր կայքերում ու բլոգներում: The Wall Street Journal-ի անցկացրած հետազոտությունը ցույց է տվել, որ նույնիսկ այդ կոճակներից չօգտվելու դեպքում Facebook-ն ու Twitter-ը «տեղեկանում» են օգտագործողների՝ տվյալ կայքում գտնվելու մասին:
Facebook-ի կոճակը տեղադրված է աշխարհի 1000 ամենաայցելվող կայքերում, իսկ Tweet-ն ու Google-ի կոճակները՝ դրանց 20% և 25%-ում:
Բավական է, որ օգտագործողը վերջին մեկ ամսվա ընթացքում օգտված լինի Facebook-ից, Twitter-ից կամ Google-ից (այսինքն՝ log in եղած լինի), և ցանցերը սկսում են հավաքել այցելված կայքերի մասին տեղեկություն:
Սակայն Facebook-ը և Google-ը պնդում են, որ հավաքագրվող տեղեկություններն անանուն են, և իրենք օգտագործողներին հետևելու նպատակ չունեն: Facebook-ի ներկայացուցչիներն ասում են, որ տվյալները սոցցանցից ջնջվում են 90 օրվա ընթացքում, մինչդեռ Google-ում դրանք ջնջվում են երկու շաբաթում, իսկ Twitter-ում՝ ավելի արագ:
Ընկերությունները վստահեցնում են, որ այդ տվյալներն օգտագործվում են միայն կոճակների արդյունավետությունը չափելու համար:
Սոցիալական վիջեթներն առաջին անգամ հայտնվել են հինգ տարի առաջ այնպիսի ծառայությունում, ինչպիսին Digg-ն է: http://asekose.am
Комментариев нет:
Отправить комментарий