Գիտնականը հաշվարկել է այլմոլորակայինների՝ Երկրի վրա իջնելու ճշգրիտ տարեթիվը

Արգենտինայի Միսիոնես նահանգի աստղագիտական հետազոտությունների կենտրոնի տնօրեն Սերխիո Տոսկանան հրապարակել է մի զեկույց, որում ներկայացնում է այլ քաղաքակրթությունների ներկայացուցիչների՝ Երկրի վրա իջնելու ճշգրիտ տարեթիվը։ Սկզբում զեկույցը կատակի տեղ է ընդունվել, որովհետեւ հրապարակվել է ապրիլի 1-ին։ Սակայն Լատինական Ամերիկայում Կատակի համաշխարհայի օրը նշվում է դեկտեմբերի 28-ին, ինչից հետեւում է, որ աստղագետը դժվար թե կատակեր։ Այնպես որ, ինտերնետում երկրորդ անգամ հայտնված զեկույցը մեծ աղմուկ է բարձրացրել բլոգերների եւ լրագրողների շրջանում։

Ըստ գիտնականի՝ երկրայիններն այլմոլորակայիններին կհանդիպեն 2011 թվականի սեպտեմբերի 10-ին։

Տոսկանայի խոսքով, նման կանխագուշակում անցած տարի արել են նաեւ չինացի աստղագետները, սակայն NASA-ն փորձում է գաղտնի պահել տեղեկատվությունը։

                                                                                                                    news.am