Ներքին և արտաքին`օրինաչափություն
Ի՞նչ մազերի գույն կունենա շիկահեր մայրիկից և թխահեր հայրիկից ծնված երեխան: Կարո՞ղ է կապուտաչյա ծնողների մոտ ծնվել շագանակագույն աչքերով երեխա: Փորձենք պարզաբանել:
Ինչպես հայտնի է, գոյություն ունեն դոմինանտ և ռեցեսիվ գեներ, և առաջինները արգելափակում են երկրորդներին: Այսինքն, եթե դոմինանտ գենի նշանները, օրինակ գանգուր մազերը, առկա են մայրիկի մոտ, ապա մոր գենը կհաղթի շիկահեր հայրիկի ռեցեսիվ գենը և երեխան կստանա գանգուր թխահեր մազեր: Եթե ծնողներից երկուսի մոտ առկա են ռեցեսիվ նշաններ, օրինակ ամուսիններից մեկի աչքերը երկնագույն է, իսկ մյուսինը մոխրագույն, ապա գեների մեջ կսկսվի “հակամարտություն”, որի արդյունքը հայտնի կլինի միայն երեխայի ծննդից հետո: Ռեցեսիվ նշաններից են նաև ուղիղ մազերը, մաշկի պիգմենտացիայի բացակայությունը, , բացասական RH գործոնը: Դոմինանտ նշաններից են`շագանակագույն և կանաչ աչքերը, արյան նորմալ մակարդելիությունը և մազաթափության հակումը տղամարդկանց մոտ:
Ըստ գենետիկների, երեխայի արտաքին տեսքը ձևավորվում է ոչ թե շնորհիվ մի գենի, այլ մի ամբողջ խմբի: Հայտնի են դեպքեր, երբ թխահեր ծնողներից ծնվում է շիկակարմիր երեխա այն դեպքում, երբ հարազատներից ոչ մեկը նմանատիպ արտաքին չունի: Սա ամուսնական դավաճանության արդյունք չէ պարզապես գեների կատակ:
Շատ ակտուալ է նաև հետևյալ հարցը`արդյո՞ք ժառանգականությունը ազդում է երեխայի բնավորության վրա: Այս հարցի վերաբերյալ մինչ այժմ բազմաթիվ կարծիքներ կան, սակայն գենետիկների մեծամասնությունը հակված է այն կարծիքին, որ ժառանգականությունը ունի որոշակի ազդեցություն երեխայի բնավորության կազմավորման վրա: Սակայն պետք չէ մոռանալ, որ միջավայրը, որտեղ երեխան մեծանում է, և դաստիարակությունը, որը տրվում է երեխային, մեծ նշանակություն ունի անձի ձևավորման ժամանակ: Այսպիսով որդեգրած երեխան մեծ շանսեր ունի մեծանալ սթափ և մտավոր, ի տարբերություն իր կենսաբանական հորը, որը չարաշահում էր ալկոհոլոը և չուներ գիտելիքների ծարավ:
Մասնագետների կարծիքով երաժշտական կարողությունը, խելքը և նույնիսկ ճաշակը սիրած մթերքի նկատմամբ կարող են գենետիկորեն անցնել: Սակայն սիստեմատիկ ուսուցման կարիք ունեն նույնիսկ առավել տաղանդավոր երեխաները, ուստի կարևոր է ժամանակին նկատել և սկսել զարգացնել երեխայի ունակությունները:
Գենետիկա` իրականություն
Գիտակորեն ապացուցած փաստ է, որ ժառանգական հիվանդությունների առկայությունը պայմանավորված է քրոմոսոմների և գեների մուտացիայի հետ: Որոշ հիվանդությունների զարգացման համար բավական է մեկ վնասված գեն, մյուսների համար` ամբողջ կոմբինացիա մի քանի դեֆորմացված գեներից: Գենետիկների կարծիքով գեներով կարող է անցնել նույնիսկ դեպրեսիաների նկատմամբ հակումը:
Երեխայի մոտ հնարավոր հիվանդությունների զարգացումը հնարավոր է գուշակել դեռ մինչև ծնունդը: Գենետիկի կոնսուլտացիան և գենետիկ քննությունը հնարավորություն են տալիս ապագա ծնողներին նախօրոք պատրաստվել այս կամ այն հիվանդություններով երեխայի ծննդի և ստանալ առավել մանրամասն տեղեկություն հնարավոր բուժման վերաբերյալ: Որոշ դեպքերում վաղ ախտորոշումը անհրաժեշտ է արդյունավետ բուժման համար:
Комментариев нет:
Отправить комментарий