ՀՀ դեղ արտադրողների և ներմուծողների միության նախագահ Սամվել Զաքարյանը նշեց, որ անցյալ տարի նոյեմբերին կառավարությունը որոշում է ընդունել, որ դեղագործները մինչև 2012-ի հունվարի մեկն անցնում են եվրոպական ստանդարտների: Նա ասաց, որ այսօր կան դեղագործական ընկերություններ, որոնք ունեն այդ ստանդարտներին համապատասխան արտադրություն:
Ա.Ղազարյանի խոսքով` եթե արդարացվեն Եվրամիության ստանդարտները` այսինքն`դեղն արտադրողից որակյալ կերպով հասնի սպառողին, կավելանան նաև ներդրումներն ու դեղերի արտադրությունը Հայաստանում:
Ս.Զաքարյանը փաստում է, որ հայկական շուկայում դեղ արտադրողների թիվը չի ավելանում, քանի որ մեկ դեղ արտադրելու համար ծախսվում է մոտ մեկ միլիարդ դոլար: Նա ընդգծեց, որ պետությունը պետք է պայմաններ ստեղծի, որպեսզի դեղարտադրողները հնարավորություն ունենան դեղ արտադրել:
Դեղ արտադրողների և ներմուծողների միության նախագահը խոսեց նաև կեղծ դեղերի մասին`նշելով, որ Հայաստանում կեղծ դեղերի չափը տոկոսային հարաբերությամբ ավելի քիչ է, քան մյուս երկրներում: Նա տեղեկացրեց, որ կառավարությունը մտածում էր, որ երրորդ երկրից դեղ ներմուծելը կիջեցնի դրանց գները, նաև պայքար կսկսվի մոնոպոլիայի դեմ, սակայն, ըստ Ս.Զաքարյանի, դա արդյունավետ ճանապարհ չէ, քանի որ դրանով կեղծ դեղերի քանակը կավելանար:
«GXP» Գերազանցության կենտրոնի տնօրենն էլ հավելեց, որ կեղծ են համարվում նաև մաքսանենգ ճանապարհով ներմուծված դեղերը: Նա ասաց, որ առողջապահության նախարարությունից հավաստիացնում են, որ վերահսկողությունը մաքսային ծառայությունների նկատմամբ մեծանում է: Նրա համոզմաբ`այս գործում ավելի մեծ անելիք ունեն օրինապահ մարմինները: mardik.am
Комментариев нет:
Отправить комментарий