Հասարակությունն անտեղյակ է հանրային ծառայությունների որոշումների կայացման գործընթացին, ծառայությունների մատուցման որակի ապահովման համար իշխանությունների կողմից իրականացվող նախաձեռնություններին, քանի որ հանրային ծառայություն իրականացնող կազմակերպությունները, տեղական իշխանությունները օրենքով նախատեսված տեղեկատվության տարածման քաղաքականություն չունեն մշակված:
Գորիսի մամուլի ակումբը 2012թ.օգոստոսի 1-ից Վորլդ Վիժն Սիսիանի ՏԶԾ-ի աջակցությամբ սկսել է Սիսիանի տարածաշրջանի 18 գյուղական համայնքներում /Սառնակունք, Գորհայք, Անգեղակոթ, Սպանդարյան, Իշխանասար, Բալաք, Լծեն, Շամբ, Շաքի, Տոլորս, Մուցք, Շաղաթ, Բռնակոթ, Լոր, Աղիտու,Գետաթաղ,Սալվարդ, Աշոտավան/ հետազոտություն իրականացնել` պարզելու գազամատակարարման, ջրամատակարարման, էներգամատակարարման ոլորտներում մատուցվող ծառայությունների վիճակը: Իրականացված մոնիտորինգի զեկույցը կտարածվի տարբեր ուղղություններով, խնդիրների մասին կպատրաստվի տեսանյութեր, որից հետո շահագրգիռ կազմակերպությունների հետ կմշակվի թափանցիկ ծառայություն մատուցելուն ուղղված մեխանիզմներ:
Комментариев нет:
Отправить комментарий