27 июн. 2011 г.

Աշխարհում ամենանյարդայնացնող ձայնը մանկական նվնվոցն է

Քլարկի համալսարանի գիտնականներ Ռոզմարի Սոկոլ Չանգն ու Նիկոլաս Թոմփսոնը հետազոտություն են անցկացրել, որի արդյունքում պարզվել է, որ հասուն մարդիկ մանկական նվնվոցն ավելի վատ են տանում, քան շարժիչի աղմուկը, նորածնի լացը, սովորական խոսքն ու լռությունը:

Փորձերին մասնակցողները փորձել են թվաբանական խնդիրներ լուծել` լսելով նյարդայնացնող ձայներ: Ամենաշատ սխալներն արել են նրանք, ում մոտ միացրել են մանկական նվնվոցի ձայնը:
Հատկանշական է, որ նվնվոցի ձայնը միանման վատ են տանում եւ տղամարդիկ, եւ կանայք, եւ ծնողները, եւ երեխաներ չունեցողները:

Իսկ փորձարկումներին մասնակցողների համար ամենանվազ նյարդայնացնող ձայնը եղել է շարժիչի ձայնը: Այն խանգարել է լուծել խնդիրներն ավելի քիչ, քան ցանկացած այլ ձայն:

Ռոզմարի Չանգը կարծում է, որ մանկական նվնվոցն էլ պետք է անտանելի լինի: Այն այդպիսին է դարձել էվոլյուցիայի ընթացքում, գրում է The New York Daily Mail-ը:      news.am

Комментариев нет:

Отправить комментарий