Տաք լոգանքը հաղթահարում է միայնության զգացումը. Հետազոտություն

Ամերիկացի մասնագետները պարզել են, որ տաք ջուրը ցրում է մեկուսացվածության զգացումը և անգամ իրենով կարող է «ընկերակցություն փոխարինել»։

Ինչպես հայտնում է The Telegraph–ը, ուսումնասիրությունն անցկացրել են Յելի համալսարանի գիտնականները։ Նրանք հարցում են անցկացրել 18–65 տարեկան մոտ 400 կամավորների շարքերում և ուսումնասիրել նրանց վարքագիծը։ Կամավորները օրագիր են վարել, որտեղ անհրաժեշտ էր գրանցել լոգանք ընդունելու մասին տեղեկությունը՝ նկարագրելով, թե ինչ հոգեվիճակում է գտնվել մարդը լոգանքից առաջ ու հետո։


Փորձի արդյունքում պարզվել է, որ իրականում մարդիկ ցնցուղ կամ լոգանք են ընդունում՝ փորձելով ենթագիտակցորեն ազատվել միայնության զգացումից։ Համապատասխանաբար՝ որքան սուր է միայնության զգացումը, այնքան հաճախակի բնույթ է կրում լոգանք ընդունելը, որը զուգակցվում է ջրի ջերմաստիճանի բարձրացմամբ։

Ուսումնասիրության մեջ ասվում է, որ հենց ջերմությունն է թույլ տալիս կարգավորել զգացողությունները։ Փորձագետների կարծիքով՝ ֆիզիկական և սոցիալական ջերմության կապը մեր ուղեղում դեռ մանուկ հասակից է «գրանցված». դրանով է բացատրվում այն հանգամանքը, որ մարդիկ տաք ընպելիքներ են գերադասում, երբ սփոփանքի կարիք ունեն։

                                                                                                                      Tert.am